Rövnəq Abdullayev: Rusiya ilə oyun bolqarlarla görüş öncəsi yaxşı yoxlanış oldu
AFFA prezidenti Rövnəq Abdullayev bu gün təşkil olunan Fan-şopun açılışında iştirak edib. Azerisport.az xəbər verir ki, o, çıxışı zamanı bəzi maraqlı məsələlərə münasibət bildirib:
"Belə mərasimlərin keçirilməsi vacibdi. Həm yığmamız, həm də AFFA üçün fan-şopun açılması mühüm hadisədi. Bu, futbolumuz üçün bir reklamdı. Fan-şopun "Park Bulvar" kimi bir yerdə açılması da az önəm daşımır".
AFFA prezidenti Rusiya ilə yoxlama oyunundakı 0:4 hesablı yenilgiyə və qarşıdan gələn AÇ-2016-nın seçmə mərhələsi çərçivəsindəki Bolqarıstanla görüşdən də danışıb: "Rusiya ilə qarşılaşma yoxlama xarakteri daşıyırdı. Əsas heyətin üzvlərinin hamısı yox idi. Rusiya yığması da güclü komandadı. Fikrimcə, Bolqarıstanla rəsmi oyun öncəsi bu, komandamız üçün yaxşı yoxlanış oldu".
