Zlatinov: Azərbaycanın Bolqarıstana qalib gələcəyinə şübhəm var
"İnter"in sabiq yarımmüdafiəçisi, hazırda "Liteks"də çıxış edən Petar Zlatinovun azerisport.az saytına müsahibəsi
- Azərbaycan və Bolqarıstan yığmaları arasında baş tutacaq AÇ-2016-nın seçmə mərhələ oyunundan nə gözləyirsiz?
- Ümid edirəm ki, Bolqarıstan qalib gələn tərəf olacaq. Azərbaycanın qalib gələcəyinə şübhəm var.
- Yığmamıza heç bir şans vermirsiz?
- Əlbəttə, Azərbaycanın da şansı var. Axı bu, futboldu. Məni yanlış anlamayın. Azərbaycanın da yaxşı komandası var. Komandanız xüsusilə ev oyunlarında yaxşı təsir bağışlayır.
- Yığmamızın üstünlüyü yalnız budu?
- Bəli, bu, böyük üstünlükdü. Matç Bakıda olacaq, buna görə ajiotajın böyük olması gözləniləndi. Azarkeşlər komandanızı sonadək dəstəkləməyə çalışacaq. Futbolçularınız da Rusiyaya son məğlubiyyəti unutdurmaq üçün əllərindən gələni edəcəklər.
- Bəs Bolqarıstanın əsas üstünlüyü nədədi?
- Yığmamızda yaxşı futbolçular var. Onların Avropanın yaxşı klublarında çıxış edirlər. Onların səviyyəsi qələbə qazanmağımıza kömək edəcək.
- Bolqarıstan Azərbaycanla oyuna ciddi yanaşır?
- Əlbəttə. Əgər hansısa rəqib koamndanıza qeyri-ciddi yanaşsa, onun böyük problemləri olacaq.
- Azərbaycan yığmasının qələbə qazanması sizin üçün sürpriz olacaq?
- Xeyr. Dediyim kimi, güclü komandanız var. Amma Bolqarıstanda da hamı bizim yığmadan qələbə gözləyir.
- Geniş futbolçu seçiminə malik Lyuboslav Penev Berti Foqtsu taktiki cəhətdən üstələyə biləcək?
- Matçı məşqçilər yox, futbolçular qazanırlar. Amma təbii ki, hər bir məşqçinin öz taktikası var. Yəqin ki, hər iki mütəxəssis öz gedişlərini edəcək. Hazırda yığmamızda yaxşı kollektiv formalaşıb. Lakin bu, Azərbaycan yığmasına ciddi yanaşmamağımıza əsas verə bilməz. Əks halda, problemimiz yaranacaq.
- Azərbaycan yığmasını da hazırda tarixinin ən güclüsü hesab edənlər var...
- Bundan xəbərim yoxdu. Yəqin ki, bu barədə komandamızın futbolçu və məşqçi heyətinin xəbəri var. İstənilən halda Azərbaycan yığması Rusiya ilə oyunda 0:4 hesabıyla uduzduğundan, Bolqarıstanın əlavə motivasiyası olacaq.
- Azərbaycanlı futbolçularla yaxşı tanışsız. Sizcə, onlardan hansı bolqarlara problem yarada bilər?
- Bunu deyə bilmərəm. Çünki meydana hansı futbolçuların çıxacağından xəbərsizəm.
- Proqnoz vermək istəmirsiz?
- Xeyr. Bu, çox çətindi.
