Realmadrid Fondunun sosial futbol məktəbində təlimlərə start verilir
5-7 sentyabr 2014–cü il tarixində “Realmadrid Fondunun” sosial futbol məktəbində Azərbaycan Respublikasının Gənclər və İdman Nazirliyinin Realmadrid Fondu ilə birgə həyata keçirdiyi “Futbol vasitəsilə uşaqların sağlamlıqlarının qorunması və sosial həyata inteqrasiyası” adlı layihəsi çərçivəsində RMF-in beynəlxalq treneri Viktor de Arse (Viktor de Arce) yenidən Bakıya təşrif buyuraraq müəllim-məşqçilər üçün təlimlər keçirəcək. Azerisport.az xəbər verir ki, Azərbaycan Respublikasının Gənclər və İdman Nazirliyinin və Təhsil Nazirliyinin Realmadrid Fondu ilə birgə layihə çərçivəsində yaratdığı “Realmadrid Fondunun” sosial futbol məktəbi artıq 1 ildən artıqdı ki, "Vətən" RIOEUG Futbol məktəbi nəzdində ölkəmizdə fəaliyyət göstərir.
Fəaliyyət dövründə Realmadrid Fondunun beynəlxalq təlimçisi 2013-cü ilin iyun ayında Bakıda məşqçi -müəllimlərə təlim keçmiş və həmin müəllimlər sertifikatlaşdırılmışdır. Təlimlər yüksək səviyyədə təşkil olunduğunu nəzərə alaraq və canlı monitorinqə ehtiyac olduğu üçünVictor de Arceyə təkrar Bakıya gəlmə təklif edilmiş və təklif qəbul olunmuşdur.
Belə ki, təlimlər 17 məşqçi-müəllim üçün keçiriləcəkdir. Təlimdə həmçinin Naxçıvan Muxtar Respublikasından və Fizuli rayonundan məşqçi - müəllimlər iştirak edəcəklər. Həmin məşqçilər ispan futbol təcrübəsini mənimsəyərək uşaqlara gələcəkdə dərs deyəcəklər.
Qeyd etmək istərdik ki, layihənin tərəfdaşları: Azərbaycan Respublikası Təhsil Nazirliyi və Azərbaycan Futbol Federasiyalar Assosiasiyasıdır. Baş sponsor “AzərİdmanServis”dir. (AGİN mətbuat xidməti)
