2014-cü ildə ilk qələbə
AZAL 2014-cü ildə ilk qələbəsini qazanıb. Azerisport.az xəbər verir ki, paytaxt təmsilçisi Topaz Premyer Liqasının 4-cü turunda səfərdə “Qəbələ”ni 2:1 hesabı ilə məğlub edib.
Bununla da bakılıların 20 matçlıq qələbəsizliyi sona çatıb. AZAL sonuncu dəfə 2013-cü il dekabrın 20-də qalib gəlmişdi. 253 gündən sonra qalib gələn AZAL Topaz Premyer Liqasının 2013/14 mövsümünün 18-ci turunda “Neftçi”ni 2:1 hesabı ilə məğlub etmişdi. Bundan sonrakı 20 oyunda isə 8 heç-heçə edən bakılılar 12 dəfə uduzmuşdu. 10 illik tarixinin ən uzun qələbəsiz seriyasını qıran AZAL bunadək ən pis halda ardıcıl 10 matçda qalib gəlməmişdi. “Qəbələ” üzərində qələbə həm də Tərlan Əhmədovun AZAL-ın baş məşqçisi kimi ilk qələbəsi olub.
Qeyd edək ki, AZAL Azərbaycan çempionatları tarixində 20 və daha artıq oyunda qələbə qazana bilməyən 13-cü komandadı. Bu göstəricidə antirekord 1997-98-ci illərdə ardıcıl 33 matçda qalib gəlməyən “Şəfa”ya məxsusdu. (PFL)
