Fabio Kapello: Azərbaycan yığması son vaxtlar çox artırıb

Futbol üzrə Rusiya yığmasının baş məşqçisi Fabio Kapello Azərbaycanla yoxlama oyunu öncəsi jurnalistlərin suallarını cavablandırıb. Azerisport.az sizi italiyalı mütəxəssisin fikirləri ilə tanış edir.

- Dzyubanı əvvəllər komandaya çağırmazdız. Amma indi əksinədi...
- Onun meydana çıxdığı bütün oyunları izləmişəm. Hesab edirəm ki, Dzyuba çox artırıb. Çəkisini atıb, daha hərəkətli olmağa başlayıb. Onunla çalışan insanlarla da danışdım. Baxışlarımız üst-üstə düşdü.

- Artıq üç aydı maaşlarınız verilmir. Buna görə Rusiya yığmasını tərk etməyiniz mümkündü?
- Bu, məni narahat etmir. Bu barədə düşünmürəm də. Məni ilk növbədə Azərbaycan və Lixtenşteynlə oyunlar maraqlandırır.

- Azərbaycanla oyun sizin üçün nə dərəcədə önəmlidi?
- Asan oyun olmayacaq. Azərbaycan yığması son zamanlar çox artırıb. Oyun ərzində altı əvəzetmə etməyimiz mümkündü ki, bu şansdan maksimum yararlanmaq istəyirəm. Əvvəllər oynamamış və ya az oynamış futbolçulara şans verəcəm. Yığmanı tədricən yeniləmək lazımdı.

- Yığma əvvəlki stilində oynayacaq, ya dəyişklik var?
- Oyun üslubunu dəyişmək üçün ona uyğun futbolçuların olmalıdı. Rusiyanın əksər komandaları 4-3-2-1 taktikası ilə oynayırlar. Bunu nəzərə almağa məcburuq. Bizim əsas işimiz bu futbolçuların potensialını maksimum açmağa yardımçı olmaqdı. Sizə onu deyə bilərəm ki, sabah biz də 4 müdafiəçi ilə oynayacağıq. Qapıda isə Akinfeyev olacaq.