"Bolqarlarla oyuna ancaq qələbə üçün çıxacağıq"

Futbol üzrə Azərbaycan yığmasının müdafiəçisi Elvin Yunuszadə Rusiya ilə yoxlama, Bolqarıstanla AÇ-2016-nın seçmə mərhələ oyunu öncəsi fikirlərini açıqlayıb. Azerisport.az saytına açıqlamasında "Neftçi"nin üzvü bunları söyləyib:

"Rusiya ilə oyunun çətin olacağı şübhəsizdi. Amma biz vətənə yaxşı nəticə ilə qayıtmağa çalışacağıq. Hər şey özümüzdən, orada necə oynayacağımızdan asılıdı. Bolqarlarla görüşə gəlincə, bu oyunun seçmə mərhələdəki ilk sınağımız olduğunu, doğma azarkeşlər qarşısında oynayacağımızı nəzərə alsaq, meydana ancaq qələbə üçün çıxacağıq. Çox ümid edirəm ki, Bolqarıstanı məğlub edəcəyik. İnanıram ki, bacardığımız oyunu göstərə bilsək, azarkeşlərimiz bizi dəstəkləsə, qələbə qazanacağıq".