Ninkoviç: İlk oyundakı 3:2 hesablı qələbə bizi qrup mərhələsinə çıxara bilər

Serbiyanın "Partizan" klubunun yarımmüdafiəçisi Nikola Ninkoviç Avropa Liqasının pley-off mərhələsi çərçivəsində "Neftçi"yə qarşı keçirəcəkləri cavab oyunu öncəsi müsahibə verib. Azerisport.az sizi həmin müsahibə ilə tanış edir:

- Baş məşqçinizin dediyinə görə, siz üzr istəsəz, "Neftçi"yə qarşı oynaya biləcəksiz...
- Bizim hələ vaxtımız var. "Boss"la danışacam. Hazırda bizim üçün qrup mərhələsinə vəsiqə qazanmaq daha vacibdi.

- Belə təəssürat var ki, siz "Neftçi" ilə cavab oyununa daha sakit yanaşırsız...
- Məncə, bu, bizim ilk oyunda qazandığımız qələbənin yaratdığı üstünlükdən irəli gəlir. Əlbəttə, 3:2 əla nəticə sayıla bilməz. Amma hər halda bu qələbə qrup mərhələsinə vəsiqə qazanmağımıza kömək edə bilər.

- "Neftçi" favoritdi?
- Kimin favorit olduğunu bilmirəm. Amma bilirik ki, oynaya bilərik. Siz özünüz də gördünüz ki, ilk oyunda iki qolu adi vəziyyətlərdən buraxdıq. Bakıda ən azı bir qol vəziyyətindən yararlana bilsək, hər şey yaxşı olacaq.

- Bakıda hansı səhvlərin təkrarlanmaması lazımdı?
- Belqraddakı oyundakı kimi iki qol buraxmamalıyıq. Əgər məğlub olsaq, bəraət qazana bilməyəcəyik.