Neftçi Partizana uduzub, mübarizəni dayandırdı
Avropa Liqasında pley-off mərhələsinin cavab oyunları keçirilib. Azerisport.az xəbər verir ki, Azərbaycanın bu turnirindəki təmsilçilərindən "Neftçi" də növbəti sınağına çıxıb.
Paytaxt klubu Serbiya "Partizan"ı ilə mübarizə aparırdı. Bu rəqiblə Belqraddakı ilk oyun meydan sahiblərinin 3:2 hesablı qələbəsi ilə baş çatmışdı. Bu üzdən də təmsilçimizə növbəti mərhələyə yüksəlmək üçün 1:0 və ya 2:1 hesablı qələbələr lazım idi. Amma təəssüf ki, oyunda hesabı serblər açıblar. Komandamızın gücü isə yalnız buraxılan bu qola cavab verməyə çatıb. Son saniyələrdə daha bir qol vuran qonaqları iki oyunun nəticəsinə görə 5:3 hesabıyla Avroliqanın qrup mərhələsinə vəsiqə qazanıb. "Neftçi" isə mübarizəni dayandırmalı olub.
"Neftçi" iki il öncə qrup mərhələsində qarşılaşdığı və hər iki oyunda sülh bağladığı (0:0, 1:1) bu komandanı keçsəydi, tarixində ikinci dəfə Avroliqanın qrup mərhələsində oynamaq şansı qazanacaqdı.
Avropa Liqası
Pley-off mərhələsi (cavab oyunu)
28 avqust
Neftçi - Partizan - 1:2 (0:1)
Qollar: P.Şkuletiç, 24 (0:1), J.Vobay, 58 (1:1), P.Şkuletiç, 90+2 (1:2).
Sarı vərəqə: E.Nfor, 45+1, E.Ramos. 48, M.Vuliçeviç, 62, J.Vobay, 70.
Qırmızı vərəqə: E.Nfor, 86 (ikinci sarı vərəqə), E.Ramos, 90+3, P.Şkuletiç, 90+4, Kaue, 90+4.
Hakimlər: Robert Şörgenhofer, Mattias Vinsayer, Roland Brandner, Dominik Ousxan (Avstriya).
Bakı. Tofiq Bəhramov adına Respublika stadionu.
İlk oyun - 2:3
Neftçi: 30. Saşa Stamenkoviç, 2. Karlos Kardoso, 3. Denis Silva, 5. Elvin Yunuszadə, 7. Araz Abdullayev, 9. Flavinyo (k) (16. Bruno Bertuççi, 54), 10. Julius Vobay (21. Samir Məsimov, 83), 15. Erik Ramos, 18. Kaue, 19. Mirhüseyin Seyidov (11. Nikolas Kanales, 54), 90. Ernest Nfor.
Ehtiyat oyunçular: 1. Emil Balayev, 27. Məqsəd İsayev, 25. Cavid İmamverdiyev, 23. Ruslan Qurbanov.
Baş məşqçi: Böyükağa Hacıyev.
Partizan: 25. Milan Lukaç, 4. Miroslav Vuliçeviç, 5. Nemanya Petroviç, 6. Voyislav Stankoviç (k), 30. Branko İliç, 8. Darko Braşanaç, 14. Petar Qrbiç (22. Saşa İliç, 59), 17. Andrey Jivkoviç (40. Miloş Ostoyiç, 90+5), 18. Nikola Drinçiç, 27. Danko Lazoviç (55. Danilo Pantiç, 84), 32. Petar Şkuletiç.
Ehtiyat oyunçular: 1. Jivko Jivkoviç, 11. Nikola Ninkoviç, 21. Saça Markoviç, 10. İsmael Fofana.
Baş məşqçi: Marko Nikoliç.
