İnterdən 10-cu 5+

Topaz Premyer Liqasının 3-cü turunun “İnter” – “Sumqayıt” oyunu 2014/15 mövsümünün ən məhsuldar qarşılaşması oldu. Azerisport.az xəbər verir ki, arxada qalan 12 matçda ilk dəfə 6 qol qeydə alındı.

“İnter” isə mövsümün 5 qol vuran ilk komandasıdı. Bakılılar Azərbaycan çempionatları tarixində 10-cu dəfə bir oyunda 5 və ya daha çox qol vurub. Paytaxt təmsilçisi 1 dəfə 8, 1 dəfə 7, 1 dəfə 6, 7 dəfə 5 qol vurmağı bacarıb.

Bakılılar sonuncu belə uğurunu 364 gün əvvəl gerçəkləşdirib. 2013-cü il avqustun 25-də “İnter” “Rəvan”ı da 5:1 hesabı ilə məğlub edib.

“Sumqayıt” isə Premyer Liqada 5-ci dəfə 5 və ya daha çox top buraxdı. (PFL)