İvan Pexa: Rəvan anlaşılmaz komandadı

"Xəzər Lənkəran" və "Rəvan"ın sabiq futbolçusu İvan Pexa Azərbaycandakı karyerası ilə bağlı fikirlərini açıqlayıb. Azerisport.az xəbər verir ki, o, paytaxt təmsilçisində baş məşqçisi olmuş Güvənc Kurtarı da yada salıb:

"Azərbaycanda şəxsi şərtlər çox yaxşı idi, elə məşq meydanları da. Orada çoxlu yeni idman bazası tikilməkdədi. Bakıdakı yaşayış səviyyəsi də çox yaxşıdı. Futbolun səviyyəsi? Azərbaycan, Latviya və Belarus çempionatları oxşardılar.

"Rəvan" anlaşılmaz komandadı. Baş məşqçimiz tez-tez necə ağıllı olmasından danışardı. Amma mövsümün sonunda biz elitanı tərk etməli olduq. İndi də necə ağıllı olduğunu düşünsün".