Tventenin kapitanı: Qarabağla oyunu səbrsizliklə gözləyirəm

Hollandiyanın "Tvente" klubunun kapitanı Andreas Byelland zədəsini sağaldıb. Azerisport.az xəbər verir ki, o, Avropa Liqasının pley-off mərhələsində Azərbaycan çempionu "Qarabağ"a qarşı keçirəcəkləri cavab oyununda meydana çıxa biləcək.

Ötən gün ölkə çempionatında "NAK Breda"ya qarşı forma geymiş futbolçu bəyan edib ki, "Qarabağ"la oyunu səbrsizliklə gözləyir: "Bu matç bizim üçün həlledicidi. Ona görə də qələbə qazanmalıyıq. Azarkeşlərimizin də dəstəyi sayəsində qrup mərhələsinə vəsiqəni təmin etməliyik. Ötən mövsüm ağır alındı. Amma avrokuboklarda böyük təcrübə qazandıq. Bu təcrübə cari mövsümdə də bizə kömək ola bilər. Ümid edirəm ki, uğur bizim tərəfimizdə olacaq".