Draqan Çeran: Hakimin serb dilini bilmədən mənə qırmızı vərəqə göstərməsi inanılmazdı

"Simurq"un forvardı Draqan Çeran Topaz Premyer Liqasının 3-cü turu çərçivəsində "Xəzər Lənkəran"a qarşı keçirdikləri oyunun son saniyələrində qırmızı vərəqə almasına münasibət bildirib. Azerisport.az saytına müsahibəsində o, öncə bunları söyləyib:

"Mən hələ də o hakimi başa düşə bilmirəm. Mən serb dilində danışıramsa, o, məni necə başa düşdü? Düzdü, mənə ilk dəfə deyil qırmızı vərəqə göstərirlər. Ötən mövsümdə də qırmızı vərəqə almışdım. Məni niyə meydandan qovmalarını anlaya bilmirəm. Axı onlar mənim nə dediyimi anlamırlar".

"Qırmızı vərəqəni heç nədən aldım. Rəqibin bütün oyun ərzində mənə qarşı kobud oynayan futbolçularına isə heç nə göstərilmədi. Məsələn, "Xəzər Lənkəran"ın müdafiəçi mənim başıma zərbə endirdi. Hələ də başım ağrıyır. Mənim serb dilində söylədiyim sizlər isə hakimə ünvanlanmamışdı. Mən, sadəcə, öz-özümə danışırdım, emosiyadan. Elə həmin vaxt hakimin əlində qırmızı vərəqə üstümə qaçdığını gördüm".

"Mənə bu hakimə görə, 4 oyunluq cəza verəcəklər. Amma "Xəzər Lənkəran"ın kobud oynayan futbolçularına heç sarı vərəqə də göstərilmirdi. Hakimin serb dilini bilmədən mənə qırmızı vərəqə verməsi inanılmazdı. Heç ingilis, rus dillərini də bilmir, amma anlamadığı sözlərə görə qırmızı vərəqə göstərir. Bu, nə deməkdi ki? Baş məşqçimiz də buna görə çox əsəbləşmişdi".

Qeyd edək ki, "Simurq" - "Xəzər Lənkəran" matçının baş hakimi Elvin Əsgərov idi.