Yığmamızın rəqibi ciddi itki ilə üzləşdi

Futbol üzrə Bolqarıstan yığması problemlə üzləşib. Azerisport.az xəbər verir ki, AÇ-2016-nın seçmə mərhələsi çərçivəsində Azərbaycan yığmasının rəqibi olan bu komanda heyətlə bağlı itkilərdən əziyyət çəkir.

Bolqarıstan mətbuatının yazdığına görə, komandanın aparıcı müdafiəçisi İvan İvanovun zədələnməsi baş məşqçi Lyubo Penevi çətin vəziyyətə salıb. Zədəsi çox ciddi olan futbolçunun 8 ay yaşıl meydanlardan kənar qalacağı bildirilir. Bu üzdən də onun seçmə mərhələnin startında qarşılacaqları yığmamızla oyunda iştirak etməyəcəyi dəqiqdi. Belədə baş məşqçi İvanova əvəzləyici axtarışına çıxıb.

Qeyd edək ki, Azərbaycan - Bolqarıstan matçı sentyabrın 9-da Bakıda, "Bakcell Arena"da keçiriləcək.