Neftçi Partizana uduzdu
Avropa Liqasında pley-off mərhələsinin ilk oyunları keçirilib. Azerisport.az xəbər verir ki, Azərbaycanın bu turnirindəki təmsilçilərindən biri - ölkə kubokunun son qalibi "Neftçi" də növbəti sınağına çıxıb.
Paytaxt klubu Serbiya "Partizan"ı ilə mübarizə aparır. Komandamız səfərdəki ilk görüşdən sərfəli nəticə qazanmağa borcluydu. Əks halda Bakıdakı cavab oyununda növbəti mərhələyə vəsiqəni təmin etmək çətinləşə bilərdi. Bakılılar oyuna çox yaxşı başlayıblar və Denis Silvanın möhtəşəm oyunu - dublu sayəsində 2:0 önə keçiblər. Lakin təəssüf ki, məhz braziliyalı müdafiəçinin avtoqolu ilə ümidlənən serblər bundan sonra daha iki qol vuraraq, əzmkar qələbə qazanıblar. Bu üzdən hər şeyə Bakıdakı cavab oyununda aydınlıq gələcək.
Avropa Liqası
Pley-off mərhələsi (ilk oyun)
21 avqust
Partizan - Neftçi - 3:2 (2:2)
Qollar: D.Silva, 11 (0:1), D.Silva, 17 (0:2), D.Silva, 29-öz qapısına (1:2), P.Qrbiç, 32 (2:2), E.Yunuszadə, 69-öz qapısına (3:2)
Sarı vərəqə: Flavinyo, 7, P.Qrbiç, 19, N.Ninkoviç, 31, V.Stankoviç, 45+1, B.Bertuççi, 53, N.Drinçiç, 65, İ.Fofana, 90+2.
Hakimlər: Hüseyin Göçek, Mustafa Emre Eyisoy, Orkun Aktaş, Süleyman Abay (Türkiyə).
Belqrad. "Partizan" stadionu.
Partizan: 25. Milan Lukaç, 4. Miroslav Vuliçeviç, 5. Nemanya Petroviç, 6. Voyislav Stankoviç (k), 30. Branko İliç, 8. Darko Braşanaç, 11. Nikola Ninkoviç (17. Andrey Jivkoviç, 61), 14. Petar Qrbiç (22. Saşa İliç, 71), 18. Nikola Drinçiç, 27. Danko Lazoviç, 32. Petar Şkuletiç (10. İsmael Fofana, 80).
Ehtiyat oyunçular: 1. Jivko Jivkoviç, 40. Miloş Ostoyiç, 21. Saça Markoviç, 36. Nikola Qulan.
Baş məşqçi: Marko Nikoliç.
Neftçi: 30. Saşa Stamenkoviç, 3. Denis Silva, 5. Elvin Yunuszadə, 16. Bruno Bertuççi, 7. Araz Abdullayev (11. Nikolas Kanales, 72), 9. Flavinyo (k) (21. Samir Məsimov, 82), 10. Julius Vobay, 15. Erik Ramos, 18. Kaue, 19. Mirhüseyin Seyidov (25. Cavid İmamverdiyev, 90+5), 90. Ernest Nfor.
Ehtiyat oyunçular: 1. Emil Balayev, 17. Nicat Qurbanov, 27. Məqsəd İsayev, 95. Elvin Bədəlov.
Baş məşqçi: Böyükağa Hacıyev.
