Subaşiç: Futbolu bədənim mənə xəyanət edəndə buraxacam
Futbol üzrə Azərbaycan yığmasının sabiq üzvü, hazırda Türkiyənin "Manisaspor" klubunda çıxış edən Branimir Subaşiç yerli mətbuata müsahibə verib. Azerisport.az sizi həmin müsahibə ilə tanış edir.
- “Manisaspor”a keçidiniz necə alındı? Niyə bu klubu seçdiz?
- “Manisaspor”la bağlı Peroviç və Mikiçdən məlumat aldım. Təbii ki, “Orduspor”da oynayarkən Manisaya gəlib, oyun keçirirdik. Bu səbəbdən də buradakı ab-havanı, insanları, klub qruluşunu çox bəyəndim. Mənə təklif gəldi və məndə olan məlumatları dəyərləndirib, qərar verdim.
- Sizi “Bucaspor” da istəyirdi. Hətta onlarla anlaşdığın deyilir. Həmin vaxt nə baş verdi? Ümumiyyətlə, “Bucaspor”dan başqa klubdan da təklif almışdız?
- Məni istəyən sadəcə, “Bucaspor” deyildi. Həmin vaxt bir çox klubdan təklif aldım. “Bucaspor” da bunlardan biri idi. Onların təklifini götür-qoy etdim və burada həm yaşamaq üçün yer, həm də maliyyə məsələlərinin rolu oldu. Düşünürəm ki, ailəmlə yaşaya biləcəyim şəhərə gəlmişəm.
- Yeni komandanıza uyğunlaşa bilirsiz?
- Gənc oyunçu deyiləm. Təcrübəli olduğum üçün uyğunlaşmağım çətin olmadı. Bu dönəmdə hobbilərimizi həyata keçirə bilmirik. Həmişə məşqlərdə oluruq. Geyin-soyun dönəmindəyik.
- Pisixoloji və fiziki cəhətdən yeni mövsümə nə dərəcədə hazırsız?
- Pisixoloji baxımdan çempionata hazıram. Fiziki olaraq isə təbii ki, daha yaxşısına nail ola bilərəm. Elə toplanışlarımızın da məqsədi budu. Yeni mövsümə fiziki olaraq daha hazır başlamaq üçün çalışıram.
- Hazırda komandanın ən yaşlısı sizsiz. Çox gənc komandaya gəldiz. Komanda yoldaşlarınıza böyük qardaşlıq edə biləcəksiz?
- Futbolda vaxt çox tez keçir. Hər getdiyim komandada gənc biri olaraq yada düşürdüm. İndi komandama böyük qardaşlıq məsələsini deyil, vaxtın nə tez keçdiyi ilə bağlı düşünürəm. Komandamızdakı gənclər böyüklərə çox hörmət edirlər. Potensialı olan oyunçulara sahibik.
- Peroviç “Manisaspor”da 10 matça 19 qol vurdu. Azarkeşlər hələ də onu xatırlayırlar. Onun yerini doldura biləcəksiniz?
- Əslində mən Peroviçi azarkeşlərin qəlbindən çıxarmaq istəmərəm. Pepoviç çox yaxşı futbolçudu. Çalışacağım ki, əlimdən gələnin ən yaxşısını edim. Eqoist futbolçu deyiləm. Forvardam. Təbii ki, hamı məndən qol gözləyir. Çalışacam ki, bunu da edim. Peroviçlə tez-tez əlaqə saxlayırıq. O, da buraya gəlməyi çox istəyir.
- “Manisaspor”la iki illik müqavilə bağladız. Anlaşmanız başa çatanda 34 yaşında olacaqsız…
- Karyeram çox tez keçdi. Açığı, bu məni qorxudur. Futbolu buraxmaq istəmirəm. İmkanım çatdığı qədər oynamaq istəyirəm. Bədənim mənə xəyanət edəndə futbolu buraxacağam.
