Mikel Alvaro: Qarabağla oyunda bizə sadəcə, öz futbolumuzu sərgiləmək lazımdı

"İnter"in yarımmüdafiəçisi Mikel Alvaronun azerisport.az saytına müsahibəsi

- "Qarabağ"la oyuna hazırlıq necə keçdi?
- Hər şey normaldı. Ən təhlükəli rəqiblərimizdən biri ilə oyuna hazırıq.

- Bu oyundan nə gözləyirsiz?
- Bizə ağır olacaq. Amma öz oyunumuzu sərgiləyə bilsək, normal nəticəyə nail olmağımız mümkündü. Sadəcə, öz futbolumuzu oynamağımız lazımdı.

- İlk turdakı "Qəbələ" üzərindəki qələbə "İnter"in çempionata hazır olduğunu düşünməyə əsas verir?
- Hə, biz hazırıq. Amma hər şey yeni başlayır.

- "Qəbələ"ni darmadağın edəcəyinizi gözləyirdiz?
- Düzünü deyim ki, yox. Onların komandasında yaxşı futbolçular cəmləşib. Çox şadam ki, mövsümə belə bir qələbə ilə başladıq.

- Bu oyunda siz dubla imza atdınız...
- İki qol vurduğuma görə də çox sevinirəm. Bu, mənim özüməinamımı bir qədər də artırdı. Qarşıdakı oyunlarda da qol vuracağıma inanıram. Komandamın uğurlarında mənim də payımın olmasını istəyirəm.

- Baş məşqçi oyundan sonra nə dedi?
- Tapşırdı ki, bu tempdə də davam edim.