Özkara Cavadov, Hacıyev və Budak ilə üz-üzə

Türkiyədə təşkil olunacaq Cümhuriyyət Kuboku çərçivəsində həmin öklədə çıxış edən Azərbaycan millisinin üzvləri qarşı-qarşıya gələcək. Azerisport.az xəbər verir ki, Türkiyə Cümhuriyyətinin ildönümünə həsr olunan və 1998-ci ildən ənənəvi şəkildə keçirilən turnirin iştirakçıları artıq müəyyənləşib.
 
4 komandanın qatılacağı yarışda millimizin üzvü Cihan Özkaranın çıxış etdiyi “Sivasspor” və digər futbolçularımız - Vaqif Cavadov, Ufuq Budak və Rəhman Hacıyevin şərəfini qoruduğu “Qaziantep BB” klubları da var. Həmin komandalar avqustun 22-də turnirin açılış matçında üz-üzə gələcəklər.
 
Qeyd edək ki, Cümhuriyyət Kubokunun digər iştirakçıları isə “Mersin İdmanyurdu” və “Adana Dəmirspor”du.