Nikola Ninkoviç: Neftçi ilə düşməklə bəxtimiz gətirdi
Serbiyanın "Partizan" klubunun yarımmüdafiəçisi Nikola Ninkoviçin azerisport.az saytına müsahibəsi
- Püşk sizi yenə "Neftçi" ilə üz-üzə qoydu. Püşkün nəticəsini necə qiymətləndirirsiz?
- Yaxşı alındı. Mənə elə gəlir ki, bəxtimiz gətirdi.
- Yəni "Neftçi" "Partizan" üçün uyğun rəqibdi?
- Bizim hədəfimiz Avroliqanın qrup mərhələsinə vəsiqə qazanmaqdı. Düzdü, öncə Çempionlar Liqasının qrup mərhələsinə düşməyə çalışdıq. Amma alınmadı. Buna görə də indiki məqamda rəqibin kim olmasının fərqi yoxdu. Sona kimi mübarizə aparacağıq.
- "Neftçi" barədə nə bilirsiz?
- Çox şey.
- Məsələn?
- İki mövsüm öncə biz bu komandaya qarşı Avroliqanın qrup mərhələsində oynamışıq. Buna görə də "Neftçi"ni yaxşı tanıyıram.
- Sizcə, favorit kimdi?
- Hər iki komandanın mərhələ adlamaq şansı var. Amma fikrimcə, kim daha az səhv edəcəksə, qrup mərhələsinə də o vəsiqə qazanacaq.
