"Mən belə qeyri-peşəkarlığı ilk dəfədi görürəm"

"Simurq"un müdafiəçisi Benjamin Lambot Topaz Premyer Liqasının 1-ci turu çərçivəsində qarşılaşmalı olduqları "Bakı" ilə oyunun təxirə salınmasından danışıb. Azerisport.az saytına açıqlamasında o, bunları söyləyib:

"Belə şey necə mümkündü? Artıq neçə ildi peşəkar futboldayam, amma belə qeyri-peşəkarlıqla ilk dəfədi üzləşirəm. Biz oyuna hazırlaşmışdıq, uzun yol qət edib, Bakıya gəlmişdik. Yorğun olsaq da, son məşqə çıxmışdıq. Amma oyuna iki saat qalmış bizə dedilər ki, oyun olmayacaq. Bu, qeyri-peşəkarlıqdı".