Elmin Çobanov: Neftçi üzərində qələbəni artıq unutmuşuq
Topaz Premyer Liqasının ilk turunda "Araz Naxçıvan" doğma arenada "Neftçi"ni məğlub etdi. Azerisport.az xəbər verir ki, çempionata 3 xalla başlayan muxtar respublika təmsilçisinin heyətində ikinci qolun müəllifi Elmin Çobanov oyun barədə fikirlərini klubun rəsmi saytına bildirib:
"Bu görüşdən öncə bizim şanslarımızı az dəyərləndirirdilər. Lakin biz oyunumuzla sübut etdik ki, çempionata heç də pis hazırlaşmamışıq. Qarşıda bizi çətin oyunlar gözləyir. Artıq bu qələbəni unudub, digər görüşlərin hazırlıqlarına start vermişik. Son zamanlar mətbuatda çıxın söz-söhbətlərə gəlincə, ötən mövsümü də bu komandanın heyətində çıxış etmişəm. Baş məşqçimiz yalnız futbolçunu oyununa görə seçir. Mən, eləcə də digər komanda yoldaşlarım yazılan bu fikirlə razı deyilik. Kimsənin bilmədiyi, dəqiqləşdirmədiyi məlumatı yazması haqsızlıqdı".
