Mirzəbəyovla Amisulaşvili də İnterin tarixinə düşdü

Dünən Premyer Liqanın 1-ci turu çərçivəsində “İnter” doğma divarlar arasında “Qəbələ”ni qəbul və darmadağın etdi - 4:0. Azerisport.az xəbər verir ki, bu oyunda “İnter”in heyətində Aleksandr Amisulaşvili bir dəfə fərqləndi, iki qolu Mikel Alvaro vurdu və daha bir qolu isə Məhəmməd Mirzabəyov rəqib qapısından keçirdi.

Maraqlıdı ki, bu, Amisulaşvili ilə Mirzabəyovun “İnter”in heyətində vurduqları ilk qollar oldu. Beləliklə, gürcüstanlı müdafiəçi və Mirzəbəyov çempionatda fərqlənə bilmiş müvafiq olaraq 85-ci və 86-cı futbolçular kimi “İnter”in tarixinə düşdülər.

“İnter”in ən məhsuldar futbolçusu Baçana Sxadadze olaraq qalır. Gürcüstanlı futbolçunun aktivində çempionatda, kubok oyunlarında və avrokubokda vurduğu 34 qol var. (klub saytı)