Qurbanov: Avroliqa ilə yanaşı, Premyer Liqada da öz hədəflərimiz var
"Qarabağ"ın baş məşqçisi Qurban Qurbanovun azerisport.az saytına müsahibəsi
- Yeni mövsümün ilk oyununda "Sumqayıt"a qalib gəlsəz də, texniki məğlubiyyət ala bilərsiz. Bununla bağlı nə deyə bilərsiz?
- Biz səhvə yol vermişik. Bunu artıq etiraf etmişk. PFL tərəfindən çıxarılacaq istənilən qərara hörmətlə yanaşacağıq.
- "Neftçi" ilə superkubok matçının təxirə salınması üçün PFL-ə müraciət etmisiz?
- Mən özüm şəxsən müraciət etmişəm. Sadəcə, fikrimi soruşublar, demişəm ki, komandanın yüklənməsini nəzərə alsaq, təxirəsalma yaxşı olar. Məncə, bu, həm də bakılıların lehinə olacaq. Onlar da Avroliqada çıxışı davam etdirirlər. Amma PFL qəbul etməsəd, oynamalıyıq. Biz oynamağa hazır idik. Bir halda ki, PFL də matçın təxirə salınmasına razıdı, belə də edəcəyik.
- "Neftçi" əsas heyəti superkubok matçına qorumaq üçün "Araz Naxçıvan"la oyuna aparmamışdı. Amma siz "Sumqayıt"la oyunda cəmi bir-iki futbolçuya istirahət verdiniz. Matçın təxirə salınacağını bilirdiz?
- Biz də meydana tam heyətlə çıxmamışdıq. Bəzi oyunçularımız heç iştirak ərizəsində yer almamışdı. Komandamın aparıcı oyunçularından bir neçəsinə istirahət vermişdim.
- "Sumqayıt"la oyundakı texniki məğlubiyyət "Tvente" ilə qarşılaşma öncəsi komandaya mənfi təsir etməyəcək ki? Çünki ilk oyunda 3 xal qazandığınızı nəzərə alıb, 2-ci turun "İnter"lə oyununa ehtiyat qüvvə ilə çıxa bilərdiz...
- Bu, artıq böyük ehtimalla, baş tutmayacaq. Başqa variantlar üzərində düşünəcəyik. Mümkündü ki, başqa futbolçularımıza şans verək. Heyətimizdə çempionatda iştirak edə biləcək çox futbolçu var. Çempionat oyunlarını "Tvente" ilə qarşılaşmalara qurban verməyəcəyik. Çünki Avroliqa ilə yanaşı, Premyer Liqada da öz hədəflərimiz var.
