PFL prezidenti: Superkubok matçı sentyabrın 24-də keçirilə bilər

Peşəkar Futbol Liqasının prezidenti Ramin Musayev Superkubok matçının təxirə salınmasına münasibət bildirib. Azerisport.az saytına açıqlamasında o, bunun səbəbini belə izah edib:

"Hər iki klub bizə oyunun təxirə salınması ilə bağlı müraciət etdi. "Qarabağ"la "Neftçi"nin avrokubok oyunlarına görə, yükləndiyini nəzərə alıb, bu klublara güzəştə getdik. Hələ oyunun hansı tarixdə keçiriləcəyinə aydınlıq gətirməmişik. Amma böyük ehtimalla bu görüş sentyabrın 24-də keçiriləcək".