Riçard Almeyda: Avropa Liqasının qrup mərhələsinə vəsiqə qazanmaq istəyirik

"Qarabağ"ın yarımmüdafiəçisi Riçard Almeydanın azerisport.az saytına müsahibəsi

- Avstriya "Zalsburq"una uduzduğunuz cavab oyunu barədə nə deyə bilərsiz?
- Məğlubiyyət haqda danışmaq çox ağırdı. Çünki biz oyunu istədiyimiz hesabla başa vura bilmədik.

- Buraxılan qollara görə kimi qınamaq lazımdı?
- Hər iki qolu öz səhvimizdən buraxdıq. Onları "Zalsburq"a hədiyyə etdik. Hər iki qol standart vəziyyətdən sonra vuruldu. Amma futbol belədi. Növbəti oyunlarda daha yaxşı oynamaq lazımdı.

- Sizin qol vurmağınıza nə mane oldu ki?
- Birinci hissədə Vüqar Nadirov qol vurmağa çox yaxın idi. Təəssüf ki, ələ düşən şansdan yararlana bilmədi. "Zalsburq"u qələbə münasibətilə təbrik etmək lazımdı. Ona görə ki, rəqibimiz daha güclü idi.

- Azərbaycanda hamı bu məğlubiyyətinizə görə çox üzüldü...
- Biz özümüz də eyni dərəcədə məyusuq. Bilirdik ki, avstriyalıları keçsək, ən azı Avropa Liqasının qrup mərhələsinə vəsiqə qazanacaqdıq. Hədəfimiz yüksək idi. Artıq bütün diqqətimiz Avroliqanın pley-off mərhələsinin oyunlarına yönəlib.

- Hollandiya "Tvente"si ilə oyunlardan nə gözləyirsiz?
- Yaxşı komandamız var. Pley-off mərhələsində uğurla çıxış edib, qrup mərhələsinə vəsiqə qazanmaq istəyirik. Birlikdə buna nail ola biləcəyimizi düşünürəm.

- Həm ilk, həm də cavab oyununda itkiləriniz çox oldu. Bunlar sizə mane olmayacaq?
- Digər oyunçulardan danışmaq istəmirəm. Ancaq özüm haqda.