Ələkbər Məmmədov Dinamo - Spartak matçında anıldı

Bir neçə gün öncə vəfat etmiş azərbaycanlı futbol veteranı Ələkbər Məmmədov Rusiyada da anılıb. Azerisport.az xəbər verir ki, Premyer Liqanın 2-ci turu çərçivəsində keçirilmiş "Dinamo" - "Spartak" oyunu məşhur futbolçumuzun ölümü ilə əlaqədar bir dəqiqəlik sükutla başlayıb.

Bununla "Dinamo" keçmiş futbolçusu olmuş həmyerlimizin xatirəsini anıb.

Xatırladaq ki, Məmmədov 1954-1959 illərdə məhz Moskva "Dinamo"sunda oynayıb. O, Moskva klubunun əfsanəvi futbolçularından hesab olunur.