Andrey Kristya: Mövsümün ilk oyununda qələbə qazanmaq istəyirik

"Qəbələ"nin futbolçusu Andrey Kristya Topaz Premyer Liqasının 1-ci turu çərçivəsində qarşılaşacaqları "İnter"lə oyun öncəsi fikirlərini açıqlayıb. Azerisport.az saytına açıqlamasında o, bunları söyləyib:

"Maraqlı oyun gözləyirəm. Hər iki komanda kifayət qədər güclüdü. Ötən mövsüm mükafatçılar sırasına düşmələri də çox şeydən xəbər verir. "İnter"dən danışmaq istəmirəm. Məni rəqib maraqlandırmır. Qələbə qazanmaq istəyirik. Çünki bu, mövsümün ilk oyunudu. Komandamızda tanıdığım futbolçular var. Onlar yaxşı oyunçulardı və "Qəbələ"yə faydalı olacaqlarına əminəm. Avrokuboklardan sonra komandamız çox dəyişib. Biz çempionatda uğur qazana bilərik".