Bruno Bertuççi: Partizan Koperlə Çixuradan daha güclü rəqibdi

"Neftçi"nin müdafiəçisi Bruno Bertuççinin azerisport.az saytına müsahibəsi

- Avroliqanın üçüncü təsnifat mərhələsi çərçivəsində Gürcüstan "Çixura"sı üzərindəki qələbə münasibətilə nə deyə bilərsiz?
- Tam layiqli qələbə qazandıq. Yaxşı oynadıq və göstərdik ki, rəqibimizdən daha güclüyük. Şadam ki, yenidən qrup mərhələsinə vəsiqə qazanmaq şansı əldə etmişik.

- Bu oyunda sizi hətta heç-heçə də qane edirdi...
- Bəli, ev oyunundakı qolsuz heç-heçədən sonra səfərdə qollu heç-heçənin bizə sərf etdiyini bilirdik. Amma heç kim bu barədə düşünmürdü. Biz yalnız qələbə qazanmaq istəyirdik. Heç-heçəyə oynasaydıq, bu, bizim üçün yaxşı nəticələnməzdi. Ona görə də sonadək qələbəyə oynadıq.

- Üç oyun idi qol buraxmayan "Çixura"ya bir hissə ərzində üç qol vurmağı nə ilə əlaqələndirərdiz?
- Biz Gürcüstanda qol vurmağa söz vermişdik, sözümüzə də əməl etdik. Hər şey layiqli alındı. Biz pressinq edirdik, hücumlar təşkil edirdik. Məncə, biz daha çox qol vura bilərdik. Sadəcə, rəqibin bəzi epizodlarda bəxti gətirdi.

- "Neftçi" ev oyununda qazana bilmədiyi qələbəni səfər oyunlarında əldə edir. Bunun səbəbi nədi?
- Burada nəsə axtarmaq lazım deyil. Bu, futboldu. Hərdən top qapıya getmək istəmir. Əsas odu ki, qələbə qazandıq. Buna evdə, yaxud səfərdə nail olmağın fərqi yoxdu.

- "Neftçi"dən pley-offda nə gözləyək?
- Bizim hədəfimiz bununla yekunlaşmır. Yeni uğurlar qazanmalıyıq. Amma aydın məsələdi ki, növbəti rəqibimiz "Koper"lə "Çixura"dan daha güclüdü.

- İtaliya "İnter"i ilə İngiltərə "Tottenhem"inə rəqib olmaq istəmirdiz?
- "Partizan" da yaxşı komandadı. İstənilən halda bizə çətin olacaq.