Sadıq Sadıqov: Nfor eşitdi ki, Kanales qayıdır, qol vurmağa başladı

"Neftçi"nin prezidenti Sadıq Sadıqov Avropa Liqasının üçüncü təsnifat mərhələsi çərçivəsində Çürcüstan "Çixura"sına qarşı keçirdikləri cavab oyunundan sonra fikirlərini açıqlayıb. Azerisport.az xəbər verir ki, o, komandasının 3:2 hesablı qələbəsini belə şərh edib:

"Oyundan razıyam. Hamı necə oynadığımızı gördü. Uşaqlar yaxşı çıxış etdilər. Meydanda əsl mübarizə gedirdi. Amma uğur komandamızın tərəfində idi.

İki fərqli hissə izlədik. Mən qələbə qazanacağımıza əmin idim. Hətta uşaqlar ikinci hissədə həyəcanlananda da inamımı itirmədim. Səfərdə qələbə qazandığımız halda evdə uğur qazana bilməməyimizin səbəbini anlamıram. Fikrimcə, Tofiq Bəhramov adına Respublika stadionu bizim üçün daha düşərli olacaq. Pley-off oyunlarını orada keçirəcəyik.

Kanales? O, artıq komandamıza gəlməkdədi. Nfor da Nikolasın qayıtdığını eşidən kimi qol vurmağa başladı".