Qurban Qurbanov: Tvente qarşılaşa biləcəyimiz ən güclülərdəndi
"Qarabağ"ın Avropa Liqasının play-off mərhələsində "Tvente" klubuyla qarşılaşacaq. Azerisport.az xəbər verir ki, Hollandiya təmsilçisi Ağdam klubu üçün yad sima deyil.
Belə ki, 5 il öncə tərəflər eyni yarışın eyni mərhələsində üz-üzə gəlmişdilər. İlk oyunda Enshede təmsilçisi 3:1 hesabıyla qalib gəlmiş, Bakıdakı cavab oyununda isə hesab açılmamışdı.
"Qarabağ"ın baş məşqçisi Qurban Qurbanov klub saytına açıqlamasında püşkü dəyərləndirib: "Tvente" bizə tanış komandadı. Zənnimcə, qarşılaşa biləcəyimiz komandalar arasında ən güclülərdəndi. Hazırda çempionat oyunlarını fikirləşirik. Bu oyuna qədər matçlarımız var. Problemlərimiz olsa da, "Tvente"yə qarşı hazırlaşacağıq. Hələlik, rəqib komanda barədə məlumat toplayacağıq. Ötən mövsüm çempionatda 3-cü yeri tutublar. Güclərinə şübhə etmək olmaz. Təbii ki, "Tvente" ilə qarşılaşmalarda da meydana çıxıb ən yaxşı şəkildə çıxış etməyə çalışacağıq".
