AZAL rəhbərliyi komanda ilə görüşdü, hədəf müəyyənləşdi
AZAL rəhbərliyi mövsümöncəsi komanda üzvləri ilə görüş keçirib. Azerisport.az xəbər verir ki, tam tərkibdə komandanı qəbul edən rəhbərliyi vitse-prezidentlər – Fikrət Hüseynov və Vaqif Qasımov təmsil edib. Hüseynov tədbiri giriş sözü ilə açaraq yeni mövsümdə komandanın qarşısına qoyulan hədəflər barədə məlumat verib.
Bir daha vurğulanıb ki, 2014/15 mövsümü üçün məqsəd avrokuboklara vəsiqə verən yerlərdən birini tutmaqdı. Hüseynov yeni komanda qurulduğunu və bu kollektivə inandıqlarını diqqətə çatdırıb. Qasımov isə əlavə olaraq qeyd edib ki, qarşıya qoyulan məqsədə çatmaq üçün komanda yumruq kimi birləşməlidi.
Ardından baş məşqçi Tərlan Əhmədov futbolçuları özünün seçdiyini və hansı yükün altına girdiyini anladığını qeyd edib. O, futbolçulardan da tam məsuliyyəti ilə işə yanaşmağı tələb edəcəyini bildirb. Sonda isə komandanın aparıcı üzvləri, liderləri söz alaraq rəhbərliyin etimadını doğruldacaqlarını, yaxşı mövsüm keçirəcəklərini bildirib. (klub saytı)
