Neftçi Çixuranı üç qolla keçdi
Bu gün UEFA Avropa Liqasında üçüncü təsnifat mərhələsinin cavab oyunları keçirilib. Azerisport.az xəbər verir ki, Azərbaycanın qitənin ikinci dərəcəli klub turnirindəki çıxışını davam etdirən yeganə təmsilçisi "Neftçi" də növbəti sınağına çıxıb.
Avroliqaya Azərbaycan Kubokunun qalibi kimi qatılan "Neftçi" mübarizəyə ikinci təsnifat mərhələsindən başlayıb. Böyükağa Hacıyevin komandası bu mərhələdə Sloveniya "Koper"inə evdə uduzsa da (1:2), səfərdə 2 cavabsız qolla qalib gələrək, mərhələ adlamışdı. Bu mərhələdə isə təmsilçimizin rəqibi Gürcüstan "Çixura"sıydı. Hansı ki, bu komanda Avroliqanın ilk təsnifat mərhələsində Makedoniyanın "Turnovo" klubunu səfərdə 1:0, evdə 3:1 hesabıyla üstələmişdi. Növbəti qurban isə Türkiyənin "Bursaspor" klubu olmuşdu. Hər iki oyunda hesab açılmadığından qalib penaltilərlə müəyyənləşmişdi ki, 4:1 hesabıyla üstün olan "Çixura" "Neftçi" ilə qarşılaşmaq hüququ qazanmışdı.
İlk oyun qolsuz başa çatdığından, "Neftçi" cütün taleyinə səfər oyununda aydınlıq gətirməliydi. Bu mənada Böyükağa Hacıyevin komandasına Tiflisdə hətta qollu heç-heçə də bəs edəcəkdi. Amma Nforun het-triki nəticəsində komandamız qələbə qazanaraq, adını Avroliqanın pley-off mərhələsinin iştirakçıları siyahısına yazdırıb.
Avropa Liqası
Üçüncü təsnifat mərhələsi (cavab oyunu)
7 avqust
Çixura - Neftçi - 2:3 (1:3)
Qollar: E.Nfor, 16 (0:1), E.Nfor, 27 (0:2). G.Qabedava, 30 (1:2), E.Nfor, 38 (1:3), G.Qabedava, 51 (2:3).
Sarı vərəqə: Kaue, 20, K.Kardoso, 52, B.Bertuççi, 63, E.Yunuszadə, 69, G.Qabedava, 69, S.Məsimov, 74, G.Datunaşvili, 84, G,Rexviaşvili, 90+3.
Baş hakim: Tamaş Boqnar (Macarıstan).
Tiflis. "Mixail Mesxi" stadionu.
İlk oyun - 0:0.
ÇİXURA: 25. Maksime Kvilitaya, 8. Georgi Kimadze, 37. Şota Kaşiya, 80. Georgi Rexviaşvili, 7. Jambul Jigauri, 15. Georgi Koripadze (11. Tornike Mumladze, 79), 26. Georgi Datunaişvili, 49. David Odikadze (k), 9. Georgi Qabedava, 10. Laşa Kutçuxidze, 51. Besik Dekanoidze.
Ehtiyat oyunçular: 1. Zurab Mtskeraşvili, 5. Laşa Txelidze, 23. Aleksandr İvanişvili, 27. Qiqa Beçvaya, 71. Temur Nadiradze, 24. Laşa Çikvaidze.
Baş məşqçi: Samson Pruidze.
NEFTÇİ: 30. Saşa Stamenkoviç, 2. Karlos Kardoso, 5. Elvin Yunuszadə, 16. Bruno Bertuççi, 7. Araz Abdullayev (21. Samir Məsimov, 72), 9. Flavinyo (k), 10. Julius Vobay (25. Cavid İmamverdiyev, 83), 15. Erik Ramos, 18. Kaue, 19. Mirhüseyin Seyidov (27. Məqsəd İsayev, 63), 90. Ernest Nfor.
Ehtiyat oyunçular: 1. Emil Balayev, 17. Nicat Qurbanov, 95. Elvin Bədəlov, 23. Ruslan Qurbanov.
Baş məşqçi: Böyükağa Hacıyev.
