Platye Neftçidən transferə çıxarılmasını xahiş etdi

"Neftçi"nin hollandiyalı futbolçusu Melvin Platye Azərbaycan klubundan ayrılmaq istəyir. Azerisport.az xəbər verir ki, bu barədə Hollandiya mətbuatı məlumat yayıb.

Məlumatda bildirilir ki, Platye artıq bu məqsədlə klub rəhbərliyinə müraciət də edib. O, müqavilə ilə məxsus olduğu paytaxt klubunun rəhbərliyindən transferə çıxarılmasını xahiş edib.

"Mənim yaşımda olan futbolçu mütəmadi meydanda olmalıdı. Hazırda əla formadayam və yeni təkliflər gözləyirəm. Əgər özümə yeni komanda tapa bilməsəm, o zaman Bakıya qayıdacağam".

Qeyd edək ki, Platye "Neftçi"nin yeni mövsüm üçün iştirak ərizəsinə də salınmayıb.