Riçard Almeyda: Qarabağ bir futbolçudan ibarət komanda deyil
"Qarabağ"ın yarımmüdafiəçisi Riçard Almeydanın azerisport.az saytına müsahibəsi
- "Qarabağ"ın "Zalsburq"la səfər oyunundan nə gözləyək?
- Bilirik ki, bizə çox çətin olacaq. İstənilən halda, Bakıdakı oyundan sonra çox yaxşı hazırlıq keçmişik. Döyüşə hazırıq.
- Rəqib komandanın baş məşqçisinin sözlərinə görə, onlar üzərlərində təzyiq hiss edirlər. Bu, sizin lehinizə ola bilər?
- Məni yalnız öz komandamız maraqlandırır. Bizim üzərimizdə elə bir təzyiq yoxdu. Sakitcə hazırlaşırıq.
- "Zalsburq" 90 dəqiqə ərzində eyni tempdə oynamağı bacaran komandadı. Yəqin ki, yarımmüdafiə xəttinin işi çox olacaq...
- Onlar doğrudan da orta sahədə, hücumda çox yaxşı oynayırlar. Onları diqqətdən kənarda qoymaq olmaz. Amma biz öz işimizi yaxşı bilirik.
- "Qarabağ"a Reynaldosuz çətin olmayacaq?
- "Qarabağ" bir futbolçudan ibarət komanda deyil. Biz bir komandayıq.
- Cəbhə xəttində baş verənlərdən xəbəriniz varmı?
- Mən istənilən müharibənin əleyhinəyəm. Qarabağda baş verənlər barədə eşitdiklərimə çox üzülürəm.
- Qol vuracaq "Qarabağ"lı futbolçudan əsgər salamı gözləməyə dəyər?
- Qol vuracaq futbolçumuz onu ürəyi istədiyi kimi bayram edə bilər.
