Qarabağın ÇL macərası başa çatdı
UEFA Çempionlar Liqasında üçüncü təsnifat mərhələsinin cavab oyunları keçirilib. Azerisport.az xəbər verir ki, Azərbaycanın qitənin ən nüfuzlu klub turnirindəki təmsilçisi - son ölkə çempionu "Qarabağ" da növbəti sınağına çıxıb.
Ağdam klubu bu turnirdə mübarizəyə ikinci təsnifat mərhələsindən başlamışdı. Bölgə təmsilçisinin startdakı rəqibi Malta "Valletta"sıydı. "Qarabağ" bu rəqibini səfərdə 1:0, Bakıda isə 4:0 hesabı ilə üstələyərək, adını növbəti mərhələyə yazdırdı. Bu mərhələdə isə təmsilçimizin rəqibi Avstriya "Zalsburq"u idi. Bu komandanın mübarizəyə birbaşa üçüncü təsnifat mərhələsindən başlaması rəqibin necə ciddi klub olmasından xəbər verirdi.
Bakıda keçirilən ilk görüşdə 2:1 hesabıyla üstün olan komandamıza səfərdə mərhələ adlamaq üçün hətta istənilən hesablı heç-heçə də bəs edirdi. Amma təəssüf ki, Qurban Qurbanovun yetirmələri bu çətin vəzifənin öhdəsindən gələ bilmədi. İki cavabsız qola sevinən meydan sahibləri pley-offa yüksəldilər. "Qarabağ" isə mübarizəni Avropa Liqasının pley-off mərhələsində davam etdirməli olacaq.
Çempionlar Liqası
Üçüncü təsnifat mərhələsi (cavab oyunu)
6 avqust
Zalsburq - Qarabağ - 2:0 (2:0)
Qollar: M.Hinteregger, 18 (1:0), M.Hinteregger, 34 (2:0).
Sarı vərəqələr: M.Medvedev, 32, D.Dias, 36, T.Quliyev, 77, N.Yusifov, 88.
Baş hakim: Robert Madden (Şotlandiya).
Zalsburq. Red Bull Arena.
İlk oyun - 1:2.
ZALSBURQ: 31. Peter Qulaç, 4. Peter Ankersen, 17. Andreas Ulmer, 36. Martin Hinteregger, 5. Andre Ramalyo, 10. Sadio Mane, 13. Stefan İlsanker (8. Nabi Keyta, 73), 24. Kristof Leytqeb, 44. Kevin Kampl (77. Massimo Bruno, 86), 26. Conatan Soriano, 27. Alan (7. Marsel Zabitser, 79).
Ehtiyat oyunçular: 33. Aleksander Valke, 15. Frants Şyemer, 37. Valentino Lazaro, 42. Nils Kaşner.
Baş məşqçi: Adolf Hütter.
QARABAĞ: 13. İbrahim Şehiç, 2. Qara Qarayev, 18. İlqar Qurbanov (7. Namiq Yusifov, 20), 5. Maksim Medvedev (3. Tərlan Quliyev, 60), 25. Ansi Aqolli, 11. Danilo Dias (70. Çumbinyo, 55), 20. Riçard Almeyda, 41. Leroy Corc, 14. Rəşad Sadıqov (k), 55. Bədavi Hüseynov, 17. Vüqar Nadirov.
Ehtiyat oyunçular: 1. Fərhad Vəliyev, 10. Muarem Muarem, 6. Hacı Əhmədov, 77. Cavid Tağıyev.
Baş məşqçi: Qurban Qurbanov.
