"Qarabağla oyunda daha çox qol vəziyyəti yaratmalıyıq"
Avstriyanın "Zalsburq" klubunun kapitanı Frants Şimer Çempionlar Liqasının üçüncü təsnifat mərhələsi çərçivəsində Azərbaycan çempionu "Qarabağ"a qarşı keçirəcəkləri cavab oyunu öncəsi fikirlərini açıqlayıb. Azerisport.az sizi həmin müsahibə ilə tanış edir.
- "Rid" üzərindəki qələbə (2:0) ilə bağlı nə deyə bilərsiz?
- Çox çətin oyun oldu. Bakıya uğursuz səfərdən sonra uşaqların əksəri hələ özünə gəlməmişdi. Amma toparlana və qələbə qazana bildik.
- "Zalsburq" artıq ardıcıl üçüncü oyundu 10 nəfərlə qalır. Hər oyunda qırmızı vərəqə almağınız komandada intizamsızlıqdan xəbər verir?
- Niyə belə alındığını mən də anlamıram. Bu gün komandamı azlıqda qoymaq istəməzdim. Özü də biz həmin vaxt minimal hesabla öndə idik.
- Qarşıda "Qarabağ"la cavab oyunu var...
- Biz Bakıdakı oyunla müqayisədə daha yaxşı çıxış etməliyik.
- Bu komandaya qarşı necə oynamağı düşünürsüz?
- Mənə elə gəlir ki, ilk oyunla müqayisədə bu dəfə rəqib qapısı qarşısında daha çox təhlükəli vəziyyətlər yarada biləcəyik. İstənilən halda, növbəti mərhələyə vəsiqə qazanmağa çalışacağıq.
