Georgi Nikolov: Kaxaber Sxadadze daha iki il İnterdə çalışacaq

"İnter"in prezidenti Georgi Nikolov bəyan edib ki, Avropa Liqasının ikinci təsnifat mərhələsi çərçivəsində keçirilmiş İsveç "Elfsborq"u ilə oyundan sonra istefa vermək istədiyini açıqlayan baş məşqçi Kaxaber Sxadadze komandada qalacaq. Azerisport.az saytına açıqlamasında o, bunları söyləyib:

"Sxadadze ilə söhbətim oldu. Onunla nələri müzakirə etdiyimi sizə deməyəcəm. Yalnız onu deyə bilərəm ki, baş məşqçi "İnter"dəki işini davam etdirəcək. O, daha iki il "İnter"i çalışdıracaq. Yeni transferə gəlincə, məşqçilər korpusu hücumçu axtarışlarını davam etdirirlər. Təəssüf ki, hələ irəliləyiş yoxdu. Axtarışımız davam edir".