Almeyda: Belə bir dəstək qarşılığında nəticə qazanmamaq günah olardı

"Qarabağ"ın yarımmüdafiəçisi Riçard Almeydanın azerisport.az saytına müsahibəsi

- "Zalsubrq"a ilk oyunda çətinliklə qalib gəldiz. Bu oyun haqda nə deyə bilərsiz?
- Biz bilirdik ki, yaxşı oynayıb, qələbə qazanacağıq.

- Bu əminlik haradan idi?
- Çünki bu oyuna çox yaxşı hazırlaşmışdıq və ciddi köklənmişdik. Bilirdik ki, çətin olacaq. Çünki avstriyalıların çox sürətli futbol sərgiləyən komandası var. Çox şadam ki, belə bir mübarizədən qalib ayrıldıq.

- "Zalsburq" gözlədiyinizdən də güclü deyildi ki?
- Gözlədiyimizdən güclü idilər. Onlar bizi qapımıza sıxışdırmağa çalışsalar da, hesab edirəm ki, "Qarabağ" yaxşı oynadı.

- Komandanız iki qol vurduğu kimi, eyni sayda da qırmızı vərəqə ilə cəzalandı? Bu, nədən xəbər verir?
- Qeyd etdiyim kimi, bu, meydanda gedən mübarizənin nəticəsi idi. Əslində, "Qarabağ" bu dərəcədə kobud futbol oynayan bir komanda deyil. Amma buna rəğmən iki qırmızı vərəqə aldıq.

- Bəs Reynaldosuz, Admir Telisiz nə edəcəksiz?
- Teli yoxdu Rəşad Sadıqov var, Reynaldo yoxdu, Vüqar Nadirov var. Həmçinin Muarem Muarem də var. Biz oraya 9 nəfərlə getməyəcəyik. Biz bir komandayıq və problemimizi həll etməyə çalışacağıq.

- Cavab oyunu haqda nə düşünürsüz? Yəqin ki, daha çox müdafiəyə diqqət ayıracaqsız...
- Bizim necə oynamağımızın fərqi yoxdu. Əsas odu ki, bizim növbəti mərhələyə adlamaq üçün yaxşı şansımız yaranıb və bundan yararlanmağımız lazımdı.

- Mərkəzi arena çoxdan idi belə tam dolmurdu. Azarkeşlərin sizə köməyi dəydi?
- Onların dəstəi möhtəşəm idi. Belə bir dəstək qarşılığında nəticə qazanmamaq günah olardı.