İnter tarixində 3-cü dəfə avrokubokları penaltilərdə uduzaraq tərk etdi

Azərbaycanın "İnter" klubu tarixində üçüncü dəfə avrokubokları penalti seriyasındakı məğlubiyyətlə tərk edib. Azerisport.az xəbər verir ki, Avropa Liqasının ikinci təsnifat mərhələsində İsveç "Elfsborq"una məhz penalti seriyasında (1:0, 0:1, penaltilərlə 3:4) uduzan "bankirlər" bundan öncə daha iki dəfə eyni aqibəti yaşamışdılar.

Belə ki, 2010/11 mövsümündə Azərbaycan klubu Polşa "Lex"inə oxşar ssenari ilə məğlub olmuşdu. 2012/13 mövsümündə isə Yunanıstanın "Asteras" klubu lotereyada "İnter"i üstələmişdi.