Deni Qaysumov: Qarabağı qrup mərhələsində görmək istəyirəm

Futbol üzrə Azərbaycan yığmasının sabiq müdafiəçisi Deni Qaysumovun azerisport.az saytına müsahibəsi

- Azərbaycan klublarının avrokuboklardakı çıxışını izləyirsiz?
- Əlbəttə.

- "Qarabağ"ın ÇL-də Malta "Valletta"sı ilə cavab oyunundan nə gözləyirsiz?
- "Qarabağ" təcrübəli komandadı. Qələbə qazanmalıdı.

- Qələbə qazansalar, növbəti mərhələdə Avstriya "Zalsburq"u ilə mübarizə aparacaqlar...
- "Zalsburq" çox məşhur və çətin rəqibdi. "Qarabağ"a onlarla oyunlar çox çətin olacaq.

- Şans var?
- Mən "Qarabağ"ı avrokubokların qrup mərhələsində görməyi çox istəyirəm. Onlar artıq üç dəfə Avroliqanın qrup mərhələsinin bir addımlığında dayanıblar. Bizə ancaq bu dəfə həmin səddi keçəcəklərinə ümid etmək qalır.

- "Neftçi"nin ev oyununda Sloveniya "Koper"inə məğlubiyyətini necə qarşıladız?
- Gözlənilməz məğlubiyyət idi. Amma ümid edirəm ki, "Neftçi" də mərhələ keçəcək. Unutmaq lazım deyil ki, Sloveniya klubu da güclü komandadı.

- Azərbaycan yığması AÇ-2016-nın seçmə mərhələsində İtaliya, Xorvatiya, Bolqarıstan, Norveç və Malta ilə eyni qrupda mübarizə aparacaq. Berti Foqtsun yetirmələri nəyə ümid edə bilərlər?
- Ümid edirəm ki, çıxışımız uğurlu alınar. Yığmamız da hazırda artııb. FİFA reytinqində 73-cü pillədəyik. Komanda ildən-ilə güclənir. Hər şey oyunçularımızın öz əlində olacaq.