Rodolfo Vanoli: Neftçiyə hörmətlə yanaşırdıq

Sloveniyanın "Koper" klubunun baş məşqçisi Rodolfo Vanoli Avropa Liqasının ikinci təsnifat mərhələsi çərçivəsində "Neftçi"yə qarşı keçirdikləri ilk oyundan sonra fikirlərini açıqlayıb. Azerisport.az xəbər verir ki, o, komandasının 2:1 hesablı qələbəsini belə şərh edib:

"Komandamı qələbə, rəqibi yaxşı oyun münasibətilə təbrik edirəm. Həmişəki kimi oynadıq, rəqibə hörmətlə yanaşdıq. Boşluqlardan yararlanmağa çalışırdıq. Oyunçularımdan razıyam. Ümid edirəm ki, cavab oyununda da belə çıxış edə biləcəyik. Əminəm ki, Sloveniyada bizi çətin oyun gözləyir.

Mənim "Neftçi"nin məşqçisi ilə mübahisəm? Heç bir mübahisə olmadı. Biz futbol oynayırdıq, kobudluq olduğunu deməzdim. Hər komanda meydana qələbə qazanmaq üçün çıxır.

Əgər qapıçımız xoşagəlməz jest edibsə, buna görə üsr istəyirəm".

Bu komandalar arasındakı cavab oyunu iyulun 24-də Sloveniyada keçiriləcək.