Mirzağa Hüseynpur: İsveç klubunun heyəti daha güclüdü
"İnter"in futbolçusu Mirzağa Hüseynpur İsveçdə keçiriləcək Avropa Liqasının ikinci təsnifat mərhələsinin oyunundan, "Qarabağ"ın ötən il "Gefle" üzərindəki qələbəsindən, komandasının növbəti mərhələyə adlamaq şanslarından danışıb. Azerisport.az saytına açıqlamasında o, bunları dilə gətirib:
"Səfərdə və ya doğma meydanda oynamaq o qədər də fərq etmir. Hər iki oyun əvvəl axır baş tutacaq. Səfərdə daha yaxşı oynamaqla biz evdəki oyuna münasib nəticə əldə edə bilərik. Artıq "Elfsborq"un bir neçə görüşünü təhlil etmişik. Çempionatda bir neçə oyununa baxmışıq. Hər bir klubun olduğu kimi onların da zəif cəhətləri var. İkinci mərhələnin görüşü daha çətin olacaq. Nəzərə alaq ki, İsveç təmsilçisinin heyəti daha güclüdü. Yüksək səviyyədə pressinq edirlər. Yarımmüdafiəçiləri yaxşı təsir bağışladı. Hücumçuları topla yaxşı təmin edirlər. Rəqibin yolunu mərkəzdə kəsməyə çalışırlar. Fikrimcə, orta xəttlə oyunda diqqətli olmalıyıq".
"Qarabağ" bir neçə il əvvəl İsveç komandasına qarşı oynayıb. İndi Ağdam təmsilçisi dəyişib. "Gefle" "Eflsborq"dan fərqlənir. "Elfsborq" daha güclü heyətə malikdi. Unutmayaq ki, "Elfsborq" "Gefle" deyil. "İnter" də "Qarabağ"dan fərqlənir. Hər bir komandanın öz oyun üslubu var. Biz ikinci mərhələni keçmək istəyirik. Lakin bunun üçün bir neçə il əvvəl oynanılan futbolu yada salmağa ehtiyac yoxdu. "Elfsborq"un oyunu digər İsveç klublarından fərqlənir. Əsas səfərdə yaxşı nəticə qazanmaqdı".
