Azərbaycan millisindən yeni rekord

Millimiz FIFA-nın reytinq cədvəlində tarixinin ən yüksək göstəricisinə imza atıb. Azerisport.az xəbər verir ki, iyul ayı üçün reytinq cədvəlində millimizin göstəricisi ötən ayla müqayisədə, daha 10 pillə yaxşılaşıb və komandamız 410 xalla 73-cü pillədə qərarlaşıb.

İndi yığmamızın qonşuları 72-ci pillədə qərarlaşmış Bolqarıstan və 74-cü olan Makedoniyadı.

Xatırladaq ki, buna qədər millimizin FIFA reytinqində ən yüksək göstəricisi ötən ay yüksəldiyi 83-cü pillə idi.

Millimiz reytinq cədvəlində AÇ-2016-nn təsnifat mərhələsinin “H” qrupunda rəqiblərimizdən yalnız Maltanı qabaqlayır: İtaliya 14-cü (1056 xal), Xorvatiya 17-ci (955 xal), Norveç 53-cü (520 xal), Bolqarıstan 72-ci (425 xal), Malta 150-ci (146 xal) pillədə qərarlaşıb.

Keçmiş Sovet İttifaqı ölkələrindən reytinq cədvəlində ən yüksək pilləni Ukrayna tutur: 22-ci pillə, 898 xal. Rusiya 23-cü (897 xal) pillədə qərarlaşıb. Ermənistan 41-ci (635 xal), Özbəkistan 52-ci (523 xal) sırada yer alıb və millimizi qabaqlayırlar. Belarus (81-ci yer, 376 xal), Gürcüstan (96; 338), Estoniya (92; 345), Moldova (102; 325), Litva (104; 312), Latviya (103; 314), Qazaxıstan (127; 220), Tacikistan (124; 232), Türkmənistan (141; 183) və Qırğızıstan (144; 176) isə millimizdən alt sıralarda qərarlaşıb.
Türkiyə 714 xalla 32-cidi.

Ayın ən yaxşı komandası 25 pillə irəliləmiş Törks və Kaykos adaları millisi olub. 53 pillə geriləmiş Salvador millisi isə ayın ən pis göstəricisinə imza atıb.

İlk onluq isə belə sıralanıb:

Almaniya (1724 xal), Argentina (1606 xal), Hollandiya (1496 xal), Kolumbiya (1492 xal), Belçika (1401 xal), Uruqvay (1330 xal), Braziliya (1241), İspaniya (1229 xal), İsveçrə (1216), Fransa (1202 xal).