Bakının Tomaşla Leviqaya olan borcunu AFFA ödədi
Məlum olduğu kimi, "Bakı"nın sabiq futbolçuları Aleksandr Tomovski ilə Ruslan Leviqaya borcu olduğundan, onlar paytaxt klubunu FİFA-ya şikayət etmişdi. Azerisport.az xəbər verir ki, "zolaqlılar" iyulun 15-nə qədər bu borcu ödəməsəydi, dünya futbol qurumu tərəfindən sərt cəzalara məruz qalacaqdı.
Amma sözügedən futbolçuların borcu artıq ödənilib. Lakin həmin borcu "Bakı" özü yox, AFFA ödəyib. Bunu qurumun baş katibi Elxan Məmmədov açıqlayıb:
"Bakı"nın cəzalanmasını istəmirdik. Ona görə də borcun ödənilməsini öz üzərimizə götürdük".
Qeyd edək ki, Tomovskiyə 78 499, Leviqaya isə 59 975 ABŞ dolları ödənilib.
Lakin AFFA rəsmisi "Bakı"nı himayəsinə götürməyə hazırlaşmadıqlarını da bəyan edib:
"Bakı"nın AFFA-nın nəzarətinə keçəcəyi barədə xəbərlər həqiqəti əks etdirmir. Hafiz Məmmədov mənə "Bakı"nın Premyer Liqadakı çıxışını davam etdirəcəyini deyib".
