Flavinyo: Sabah Koperdən qol buraxmaq olmaz

"Neftçi"nin kapitanı Flavinyo Avropa Liqasının ikinci təsnifat mərhələsi çərçivəsində Sloveniya "Koper"inə qarşı sabah keçirəcəkləri ilk oyun ərəfəsində fikirlərini açıqlayıb. Azerisport.az xəbər verir ki, o, bu gün keçirilən mətbuat konfransında bunları söyləyib:

"Sabah yaxşı oyun gözləyirəm. Bu, bütün Azərbaycan üçün vacib oyundu. Əgər hansısa klubumuz qrup mərhələsinə vəsiqə qazansa, bu, hamımızın uğurudu. Biz artıq bir dəfə bu uğura nail olmuşuq, niyə də onu yenidən təkrarlamayaq? İnanıram ki, yaxşı oynayıb, sloveniyalılara qalib gələcəyik. "Koper" "Skenderbeu"dan güclü komandadı. Fiziki cəhətdən güclüdülər, oyunçuları ucaboydu, standart vəziyyətləri çox təhlükəlidi. Buna görə də oyuna məsuliyyətlə yanaşmalıyıq. Qol buraxmaq olmaz, pressinq tətbiq edib, qol vurmalıyıq. "Koper"in oyunçuları çox söz deyə bilər, onların sözləri reklamdı. Sabah meydanda mən tək olmayacam. Məni zərərsizləşdirsələr, bu, "Neftçi"nin oyununun alınmayacağı anlamına gəlməyəcək".