Novruz Əzimov: İstənilən vaxt Bakıda işləməyə hazıram

"Bakı" klubunun baş məşqçi postuna namizəd olan Novruz Əzimov azerisport.az saytına açıqlamasında istənilən vaxt komandanı götürməyə hazır olduğunu bildirib:

"Belə söz-söhbətlər var. Amma təyinatım olmayıb. Mən də eşitmişəm bu haqda. Əgər təklif olacaqsa, müsbət cavab verəcəm. "Bakı" hər zaman iddialı olub. Maliyyə problemi olsa belə, biz komandanı heç vaxt tək qoymarıq. Əminəm ki, komanda yeni mövsümdə də iddialı olacaq. İddiasız "Bakı"nı təsəvvür etmirəm. Futbolçular məşq edir. Legionerlər də düşərgədədi. Fikrimcə, bu vaxt komandanı götürmək risk deyil. Uğurlu çıxış etmək bizdən asılıdı. İstənilən halda gənclərə də şans vermək lazımdı".