Çexiya klubu Neftçidən niyə narazı qalıb?

Avstriya toplanışını başa vuraraq Bakıya qayıdan "Neftçi" iki gün öncə sözügedən ölkədə Çexiyanın "Vısoçina" klubu ilə yoxlama oyunu keçirməliydi. Azerisport.az xəbər verir ki, paytaxt təmsilçisi əlverişsiz hava şəraiti səbəbindən bu oyunun təxirə salındığını açıqlamışdı.

Amma Çexiya klubunun rəsmiləri matçın təxirə salınmasından narazı qalıblar. Klub saytının yaydığı məlumata görə, bakılılar bu haqda qərarlarını oyuna bir neçə saat qalmış onlara çatdırıblar. Baxmayaraq ki, onlar da həmin gün Avstriyada güclü yağış yağdığını etiraf ediblər.