Yenilənmiş Bakcell Arena Bakıya qayıdan Neftçinin sərəncamında!

Azərbaycan Kubokunun qalibi "Neftçi" Avstriyadakı təlim-məşq toplanışını başa vurduqdan sonra Bakıya qayıdıb. Azerisport.az xəbər verir ki, baş məşqçi Böyükağa Hacıyev bu gün yetirmələrinə istirahət verib.

Sabah isə komanda yenidən bir araya gələcək və Avropa Liqasının ikinci təsnifat mərhələsi çərçivəsində keçiriləcək Sloveniya "Koper"i ilə oyunun hazırlığına başlayacaq.

İyulun 15-də bu oyunun biletləri satışa çıxarılacaq.

Qeyd edək ki, oyun iyulun 17-də "Bakcell Arena"da keçiriləcək. Hansı ki, bu arena Avroliqa öncəsi kosmetik dəyişikliyə məruz qalıb. Ən əsası isə arenanın ot örtüyü yenilənib.