İnterlə Neftçinin rəqiblərini yaxından tanıyaq

Azerisport.az sizi Avropa Liqasının ikinci təsnifat mərhələsində çıxış edəcək Azərbaycanın iki klubunun - "İnter"lə "Neftçi"nin rəqibləri ilə sizi yaxından tanış edir. Qeyd edək ki, "bankirlər" növbəti mərhələdə İsveç "Elfsborq"u ilə mübarizə aparacaqsa, "ağ-qaralar"ı Sloveniya "Koper"i ilə duellər gözləyir.

Elfsborq (İsveç)


Klubun tam adı: "Elfsborq" İdman Klubu
Yaranma tarixi: 1904
Stadionu: "Boras Arena" (17 800 azarkeş tutur)
Baş məşqçisi: Klas İnqesson

"Elfsborq" 1904-cü ildə "Boras" adı ilə yaranıb. Lakin klubun yaradıcı Karl Larson sonralar şəhərdə bu adda çoxlu idman klublarının olmasını nəzərə alaraq, "Elfsborq" adını seçib. "Elsborq" ölkənin ən titullu klublarından biridi. "Sarılar"ın 6 İsveç çempionluğu var. Sonuncu çempionluq 2012-ci ilə təsadüf edir. İki dəfə ölkə kubokunu qazanan bu komanda bir dəfə də Super Kuboka sahib çıxıb. 1997-ci ildən komanda bir qayda olaraq elitada iştirak edir.

Bu komanda avrokuboklarda 114 oyun keçirib, 45 qələbə qazanıb, 23 heç-heçə edib, 46 oyunda isə uduzub. Bu oyunlarda 183 qol vuran "Elfsborq" öz qapısında 167 top görüb. 2013/14 mövsümündə Çempionlar Liqasında mübarizə aparan bu komanda Şotlandiya "Seltik"inə uduzaraq Avropa Liqasına düşüb. Avroliqanın pley-off mərhələsində Danimarka "Nordsyeland"ına qalib gələn komanda qrup mərhələsinə vəsiqə qazanıb. Belçika "Standard"ı, Avsriya "Zalsburq"u və Danimarka "Esbyerq"i ilə mübarizə aparan "Elfsborq" cəmi 4 xal toplamaqla yalnız belçikalıları qabaqlaya bilib.

Komandanı Klas İneesson çalışdırır. O, vaxtilə İsveçin ən yaxşı yarımmüdafiəçilərindən biri olub. 1994-cü ildə isə İsveç çempionatının bürünc mükafatına sahib çıxıb. İnqesson "Elfsborq"u 2013-cü ildən çalışdırır.

Koper (Sloveniya)

Tam adı: "Koper" Futbol Klubu
Yaranma tarixi: 1920
Stadionu: "Bonifika" (4 047 azarkeş tutur)
Baş məşqçisi: Rodolfo Vanoli

Bu klub 1920-ci ildə "Avrora" və "Meduza"nın birləşməsi nəticəsində yaradılıb. 2005-ci ildə "Koper" amerikalı biznesmenlər tərəfindən xilas olunub. 2010-cu ildə "Koper" ilk dəfə Sloveniya çempionu olub və bu, hələ ki, komandanın yeganə belə uğurudu. Komanda iki dəfə ölkə kubokuna, bir dəfə Super Kuboka sahib çıxıb.

Bu mövsüm "Koper" üçün tarixi sayıla bilər. Çünki komanda ilk dəfə avrokuboklarda mərhələ adladı. Monteneqro "Çelik"i ilə mübarizə aparan "Koper" rəqibini möhtəşəm qələbələrlə (5:0, 4:0) üstələdi.

Komandanı italiyalı Rodolfo Vanoli çalışdırır.