İnter əzmkar qələbə ilə 2-ci təsnifat mərhələsində!

Bu gün UEFA Avropa Liqasında birinci təsnifat mərhələsinin cavab oyunları keçirilib. Azerisport.az xəbər verir ki, Azərbaycanı bu turnirdə təmsil edən klublardan "İnter" də növbəti sınağına çıxıb.

Paytaxt klubu Moldova "Tiraspol"u ilə mübarizə aparırdı. Təmsilçimiz ilk oyunu səfərdə keçirmişdi və 3:2 hesabıyla qalib gəlmişdi. Növbəti mərhələyə vəsiqə qazanmaq üçün "bankirlər"ə hətta istənilən hesablı heç-heçə də sərf edirdi.

Qarşılaşmada hesabı qonaqlar açıb. Amma təmsilçimiz oyunun sonunda 9 nəfərlə qalan rəqibinə 3 qol vurmağı bacarıb və inamlı qələbə sayəsində növbəti mərhələyə adlayıb.

"İnter" növbəti mərhələdə İsveç "Elfsborq"u ilə üz-üzə gələcək.

Avropa Liqası
Birinci təsnifat mərhələsi (cavab oyunu)
10 iyul

İnter - Tiraspol - 3:1 (0:1)
Qollar: V.Bulat, 6 (0:1), A.Daşdəmirov, 78 (1:1), B.Sxadadze, 83-pen. (2:1), M.Hüseynpur, 90+1 (3:1)
Matçın 78-ci dəqiqəsində B.Sxadadze penaltidən yararlana bilməyib (qapıçı).
Sarı vərəqə: A.Məmmədov, 15, S.Şapoval, 46, G.Karaneyçev, 55, B.Hauşi, 66.
Qırmızı vərəqə: G.Georgiyev, 76, L.Japaridze, 82.
Hakim: Marios Panayi (Kipr).
Bakı. "Şəfa" stadionu.
İlk oyun - 3:2

İNTER: 1. Georgi Lomaya, 3. Laşa Salukvadze, 5. Aleksandr Amisulaşvili, 15. Yohan Bokonyano, 33. Matiya Şpiçiç, 6. Slavço Georgiyevski, 8. Mikel Alvaro, 11. Asif Məmmədov (k) (28. Baçana Sxadadze, 41), 21. Arif Daşdəmirov, 88. Derlis Meza Kolli, 27. Dieqo Madriqal (9. Mirzağa Hüseynpur, 78).
Ehtiyat oyunçular: 96. Elşən Poladov, 4. İvan Benites, 7. Abdulla Abatsiyev, 17. Məhəmməd Mirzəbəyov, 91. Coşqun Diniyev.
Baş məşqçi: Kaxaber Sxadadze.
TİRASPOL: 25. Georgi Georgiyev (k), 5. Andrey Novikov, 7. Yevgen Zariçnyuk (9. Georgi Ovsyannikov, 71), 10. Oleq Molla, 13. Boqdan Hauşi, 15. Georgi Karaneyçev (11. Georgi Boqyu, 56), 16. Laşa Japaridze, 18. Marko Vidoviç, 23. Viktor Bulat, 27. Ademar, 77. Kirilo Sidorenko (8. Sergey Şapoval, 46).
Ehtiyat oyunçular: 12. Vladimir Livşit, 3. Erik Barroso, 14. Vadim Rata, 24. İqor Poyarçov.
Baş məşqçi: Vlad Qoyan.