"Koper o dərəcədə güclü olsaydı, Avroliqaya ilk mərhələdən başlamazdı"
"Neftçi"nin müdafiəçisi Elvin Bədəlov komandasının Avstriya toplanışındakı yoxlama oyunları və Avropa Liqasındakı şanslarından danışıb. Azerisport.az saytına açıqlamasında o, bunları söyləyib:
"Kiyev və Drezden "Dinamo"ları ilə yoxlama oyunlarında meydanda idim. Düzdü, kiyevlilərlə oyunda müəyyən səhvlərimiz oldu. Amma bunlar yoxlama oyunları idi. Əsas odu ki, biz bu səhvləri rəsmi oyunlarda təkrarlamayaq".
Bədəlov komandasının Avroliqadakı ilk matça tam hazır olacağına inandığını dilə gətirib: "Fikrimcə, biz ilk rəsmi oyuna tam hazır olacağıq. Ona da əminəm ki, rəqibimiz Sloveniya "Koper"i olacaq. Öz oyunumuzu göstərə bilsək, bu komandanı keçə bilərik. Əgər onlar o dərəcədə güclü komanda olsaydılar, Avroliqaya ilk təsnifat mərhələsindən başlamazdılar".
